Райымбек Баталов ҰКП инновациялық жобасын мұнай-газ секторына таныстырды

2025 жылғы 04 Сәуір

1950 просмотров

Қазақстанның мұнай-газ нарығының жетекші мамандарының қатысуымен өткен конференцияда «Атамекен» ҚР ҰКП Төралқа Төрағасы Райымбек Баталов саланы басқару тәсілін өзгертетін маңызды жаңа жобаны ұсынды. Бұл мұнай-газ саласындағы ашықтық пен тиімділікті арттырудың негізі болатын ОТӨ (отандық тауар өндірушілер) тізілімі жайында болды.

Жоба ірі мұнай-газ компанияларының, халықаралық трансұлттық корпорациялардың және мұнай сервистік ұйымдардың 90-нан астам өкілдеріне ұсынылды. Р.Баталов өз сөзінде ҰКП құратын қазақстандық Бизнестің цифрлық картасының негізгі мақсаты – биліктің барлық деңгейінде шешім қабылдау үшін объективті көріністі қалыптастыру, сондай-ақ жеткізушілер, операторлар және мердігерлер туралы әртүрлі деректерді бірыңғай цифрлық платформаға біріктіру.

«ОТӨ тізілімі негізінен үкімет енгізіп жатқан Қазақстандық тауарлар тізілімінің кеңейтілген нұсқасы, ол тек тауарларды ғана емес, қызметтерді де қамтиды. Біздің өндірушілердің біліктілік деңгейін анықтайтын және мемлекеттік қолдау бағдарламаларына қол жеткізуге, тендерлерге және офтейк-келісімшарттарға қатысуға тікелей әсер ететін балдық жүйе мен санаттылық басты жаңалық болады», - деді Төралқа төрағасы.

Жиналған деректер «Атамекен» Инвестициялық картасын құру үшін де пайдаланылатын болады, бұл қаржыландыру процесін жеделдетуге және ұлттық жобаларға қолжетімділікті жақсартуға мүмкіндік береді.

Бұл өз кезегінде қазақстандық бизнестің цифрлық картасын қалыптастырады. Бұл карта Үкіметтің жалпы дэшборд тақтасына біріктіріліп, экономиканың әртүрлі секторлары, соның ішінде мұнай-газ саласы бойынша негізгі көрсеткіштерді көрсетеді.

Райымбек Баталовтың айтуынша, бұл құрал саладағы ағымдағы жағдайды объективті бақылауға, нақты жеткізушілерді әділ ілгерілетуге және даму стратегиясын дұрыс тұжырымдауға мүмкіндік береді. «Бірыңғай платформа арқылы қандай жобаларды қолдау қажет, шешілуі тиіс мәселелер және тиімді жүзеге асыратын жеткізушілерді табу көзделеді», - деді ол.

ҰКП ұсынған жоба қатысушылар тарапынан қолдауға ие болды. «Petrocouncil» Мұнай-газ кеңесінің төрағасы Асылбек Жакиев ОТӨ-ні саланың тұрақтылығы үшін қолдаудың, сондай-ақ Ұлттық кәсіпкерлер палатасының атқарған жұмыстарының маңыздылығын атап өтті.

«Бұл біздің мәселелерімізді Үкіметке жеткізуге және нарық қатысушыларына қолдау көрсетуге мүмкіндік береді», - деп атап өтті ол.

Жиын қорытындысы бойынша тараптар құрамында мұнай өндіруші және мұнай сервистік компания өкілдерінен тұратын жобалау командасын құру көзделді. Алдағы уақытта цифрлық картаны белсенді толтыруды бастау жоспарлануда, бұл жүйені тезірек енгізуге және оның барлық деңгейде жұмыс істеуін қамтамасыз етуге мүмкіндік береді. Аталмыш бастамалар сектордың тұрақты дамуы үшін маңызды мемлекеттік және жеке құрылымдар арасындағы өзара іс-қимылдың жаңа деңгейіне ықпал етеді.